Regionalpark er ein ny framtidsmodell for regionane, som krev nye måtar å sjå staden på, nye metodar for stadbasert læring og deltaking, forsking og utvikling, sa Solveig Svardal i eit foredrag på det nasjonale nettverket for regionalparkar.
Ulike variantar av regionalparkkonsept i ferd med å ta form også i Noreg, etter mønster først og fremst frå land i Mellom-Europa. Regionalparkane er regionane sin eigen utviklingsstrategi, der målet er å skape ballanse mellom det å ta vare på natur- og kulturverdiar og samtidig møte lokalbefolkninga sine behov gjennom berekraftig bruk, foredling og utvikling av slike verdiar.
Det handlar altså om å skape meir attraktive regionar, der natur- og kulturbasert verdiskaping, merkevarebygging, mobilisering av innbyggarane og stadbasert læring er viktige strategiar.
Senter for natur- og kulturbasert nyskaping ved Telemarksforsking, Aurland Naturverkstad og Universitetet for Miljø og Biovitenskap har etablert eit forskingssamarbeid om regionalparkar. Dei tre miljøa samarbeider om forsking, utgreiingar, utviklings- og informasjonsarbeid om regionalparkar.
Les meir på temasidene om regionalpark som utviklingsstrategi.
